ازياء ربيع صيف 2014 لفساتين الزفاف

السلام عليكم



بوست اليوم بيكون عن  فساتين الزفاف ايش الدارج وايش الي مودارج
واشويه نصايح  عند شراء فستان الزفاف

                          Marchesa, Bridal Spring 2014

\

هدا فستان زواجي من المصممه مباشرة ليا وحابه اعرضو للبيع الي حاب يشتري يراسلني 

فترة الملكه

السلام عليكم ورحمه الله وبركاته 

كيف حالكم  عروسات 

اليوم  حابه اتكلم عن فتره الخطوبه  بعد الملكه يعني مع الجيات والروحات وكدا 

واستقبال وايش يصير اغلبنا اتخيل انو فتره الملكه دلع وحب وهيام

ويقولولك اطلبي ودللي وعيشي دي الفتره هي احلى فتره ممكن تمر عليكي

وووو يعني جد بنسمع كلام كتير عنها وبيختلف الوضع من وحده لتانيه 

دائما بشوف سؤال من البنات " خطيبي مايكلمني خطيبي مايتصل خطيبي  يستحي و و و "

من واقع تجربتي راح اوريكم شي وانتو افهمو واحكمو :D

انا صحبتي انخطبت وملكت وكدا نفس فتره تجهيزي وملكتي وتزوجت قبلي بشهرين

موضوعها كان سريع سريع ماشاء الله وموضوعي كان بطيء بطيء :D 

 عشنا نفس فتره الخطوبه هي ملكت بعدي بشهر بالزبط  

ملكت 10-11 وفرحها كان 9-1 

انا ملكت 18-9  وفرحي كان 14-5

بالهجري طبعاً 

خطابنا وفتره ملكتنا كانت مختلفه تماماً تماماً 

هي كان مغرقها بالكلام المعسوول ومكالمات ورسائل 24\24

ومرتين جاها  لان ابوها كان رافض تماماً فكرة  الجيات وروحات

انا عشانو مو بمدينتي اقتضت جياتو بفتره اجازتو الي كانت ايام 

اجازه رمضان والعيد ومن بعدها ماشفتو لحتي يوم الشبكه الي كان 14\11

ومن بعدها ماشفتو حتى يوم الفرح  كانت مكالمتنا معدووومه من جد

يعني يمكن مرتين او تلاته  ومره كانت اعتذرا منو عشان انا كنت مره زعلانه

ليش مايسئل  ليش مايتصل ليش ماينزلي

من جد كنت متأزمه من دي النقطه تماماً  زعلانه وخفت وانو الوضع مو تمام 

اشبو ؟؟!!

اش عندو ؟!!

هو متردد ؟!! 

من  زمان تعبت وتعبت وعشت اسؤ فتره ملكه ممكن عروسه تعيشها 

من كتر ما ازمت نفسي وصحبتي تقولي الوضع غريب

بس بنفس الوقت صح كنت مقهوره منو بس كنت اشغل نفسي بتجهييز

 وكدا ورحت وسافرت وتجهزت ورجعت هنا وكدا وصارت سوالف 

قد مااقدر كنت احاول  اتعايش وافتكر انو يمكن انا اكتر عروسه استخارت بالدنيا

وانو انا ماخذت حيا الله  

كنت ناويه اقلب عليه يوم الفرح ومااضحك بوجهو ولا ادي وجه وابينلو انو زعلانه

واكشششر  بس سبحان الله ماقدرت

كانو يقولو دايما البعد يولد جفا انتبهي وخليكي  قريبه منو ووو 

بعد الزواج ايش صار

هل مكالماتنا الشبه معدومه  لقائتنا الي كانت بس اول اسبوع بعد العقد 

كم مره  حتي يوم جا  للشبكه شفتو بالقاعه وقت تصوير وزفه بس

مره ماأثر  عرفت  انو كان صادق وكان مشغوول كان عندو شغل كتييير

وتجهيز البيت كان عليه لحالو لان البيت بمنطقه تانيه 

وبشوفو دحين وانا معا كيف شغلو كثير  ووبالعكس طيب معايا وحنين 

ماعمرو ازعجني وزعلني على شي  مايسوى  صح في ازعاجات ومضاربات

ومضاربتنا وحشه نقعد بالاسبوع مانكلم بعض خخخ 

 بس جد مره مالها دخل والقلق الي كنت عايشتو ومعيشه ماما معايا في

 مايستاااهل  وغباااااااء 

صحبتي حبيبتي

الدلع وجيات الي جاها كلو طالع من عينها دحين 

تصرفاتو كانت غير يعني صح لين دحين يدلعها ويقولها كلام حلو

حرام مااظلمو بس تصرفاتو شرسه يعصب بسرعه شغلات

تكلمو فيها  واتفقو عليها ايام الملكه دحين يعاندها ومايسوها

وعدها بشغلات وماصارت 

لقاء او لقاءين مكالمه او اتنين كفيله  انك تعرفي الانسان المقابله 

في القاء الاول يصير تلاقي الارواح حتحسي بالنفور او القبول

 بقول شي

انت ماوافقت عليه كدا جا دق البيت وقلتي اوك 

اكيد سألتو وروحتو وجيتو اكيد ابوكي قعد معا اخوانك

عزمو بقهوه وجلسو  راحو شافو مين اصحابو وسأل عليه 

انت ماحتاخدي واحد من الشارع والسلام 

السؤال مو تسؤلو واحد ولا اتنين عيله ولا خمسه 

لازم تسئلو وتستفسرو من كل صوب لو كان غريب القريب والبعيد

تروحو حتى شرطه تشوفو لو عليه شي اسئلو اصحابو 

لاتفوتو اي راي يقولو الناس وحللو مزبوط

لان ده زواج 

 وانت كمان اكيد استخرتي ربك   

الخيره مو معناها راح تحلمي او تحسي براحه 

الخيره هي تسهيل الامر او تعقيده 

سويتي دا كلو وصار دا الموقف معاك انو مكالماتو قليله لاتقليلي دا ماهو امر جلل

ممكن خيره عشان ماتصير مشاكل واشياء هبله ممكن تخليكم تقررو قرارت خاطئه 

من لقاء واحد  ومناقشه وحده يبان الانسان يبان الانسان الصادق من الكداب من المهايط

حتعرفيه انت وكمان حتكون في مواقف فاصله تبين انو الانسان ده شاريكي

فلاتقلقي وتبني هموم من الخيالات

 خلو علاقاتكم واضحه مع بعض وحطي باقرب فرصه مكالمه النقاط الي انت تبغيها

والمهمه بحياتكم يعني مثلا تكملي دراستك  تبغي تتوظفي دي الامور المصيريه 

انت وضحيها باقرب مكالمه او خلال رساله ارسليلو انو انت تبغي مكالمه او لقاء 

عشان تعرفو وتحطو نقاط ريئيسيه 

ونقطه حابه اقولها .. خلال دي الفتره  بتختلف من بنت لبنت لاتبنيها علي صديقتك او عليا

كل انسان تجربتو بتختلف بس لازم يفكر ويتأمل ومايسمع كلام كل الناس

يتعلم من تجارب غيرو بس لايطبقها لاتكوني لزقه زياده عن الزوم  ولا تكوني

بارده ومطنشه مره بينيلو  انو موضوع البعد دا مو حلو   بس لاتضغطي عليه 

وبالاخير ادعو الله انو يوفقني ويوفقكم يارب

لو عندكم اي سؤال تلاقوني هنا

 حسابي بالاسك

مممم ايش كمان 

انتظرو  بحضرلكم geave away 

جميله  كونو بالقرب 

احبكم 

بين الشوفه والملكه

السلام عليكم ورحمه الله 

وحشتوني مررره مررره مرره والبوست دا رداً لطلب العروسه الجميله الي طلبتني

اتتكلم عن دي الفتره  الي بين الشوفه وبين الملكة ..

اول شي  بعدالشوفه 

طبعا في شوفه بيصير تلاقي الارواح وفيها نحس بالقبول والرفض الي ربنا يوحي قلوبنا فيها

اشوف بنات كتير يجيهم احساس انو الزواج فرصه بس مارتاحت لرجال تحس بنفور

بشي مو حلو كثير بيكون اتجاه الانسان ده مو خوف من الموضوع وكدا لا 

نفور لشخصيه ..وتمشي الموضوع وبعدين يوقع الفاس براس 

المهم ماعلينا مو موضوعنا بس دي نقطه مره معصبتنيي انو بنات كتيير ميتين ع زواج

ويرضو باي شي وشي مومقتنعين فيه ويرضو يعيشو بذل وقهر ولا ترضى تعيش

معززه مكرمه عند اهلها 

المهم نجي لدي الفتره الي هي بين الشوفه والفرح طبعا بدي الفتره بالعاده يتحدد فيها كل شي

حتي مبلغ المهر  حتكون عارفتو وين حتعيش وكل شي 

١-اول شي واهم شي استخيري واستخيري بدي الفتره وادعي الله يتمم عليكم ويكتبلك الخير 

٢- اتصدقي بنيه انو لو كان خير يتمم عليكي لو شر يصرفو عنك

٣-لو ولي امرك تحسي انو  ممكن يرضي تكلمي خطيبك قبل الملكه عشان تتعرفو على بعض

منجد يابنات دي نقطه مره مهمه يعني انت الي تحددي يتمادى معاك بالكلام او لا

اتكلمي معا بحدود وقت محدد  بمواضيع محدده تتعرفي عليه جيبي نوت واكتبي

الاسئله الي نفسك تعرفيها عنو بورقه زي المقابله شخصيه يعني منجد  كدا بتقطعي 

شوووط كبيير وتطمني وتعرفي تفكير الانسان الي حتعيشي معا لان حتعيشي معا 

كل الباقي من عمرك وكمان عشان ماتنصدمي فيلو بعدين ولاهو ينصدم فيكي

اسمعو كلام  ا.طارق الحبيب بدا الموضوع خلي ولي امرك يسمع للمقطع  انا الحمدالله

كنت اكلمو ايام المسنجر  لان مارضيت اكلمو تلفون استحيت مره :p  

هون عليا كتيييير عن تجربه 

٤- ابدئي اقرئي عن الزواج  وتثقفي لاتقعدي تقدي تجارب عالم حواء وعرايس

لان صراحه كلام المنتديات مرره عباره عن تجارب شخصيه وبعضها مملح ومبهر مره 

وبعضو كدب وبعضو مو صح والقليل الي صح ومايفيد  اتفرجي فيديو لطارق الحبيب

وفي ناس تانيه كثير ان شاءالله ببوست حنزلهم  

٥- النقطه دي حابه اذكرك فيها الزواج مو كل شي ازا ماتم الموضوع ماهي نهايه الدنيا

انو اعيش بكرامتي افضل ماعيش مع واحد يكرهني فيلو وبحياتي معا ومو مشكله لو ماتزوجتي

وعمرك ٢٤ الزواج نصيب ممكن يجي وعمرك ٤٠   وتخلفي وتعيشي حياه كريمه سعيده 

اهم شي تكوني مقتنعه بالانسان ١٠٠% ويكون بينكم دا شي الي ربنا ينزلو على قلوبكم 

شعور غريب وحش وحلو :S    حااجه كمان لاترضي باي احد يدق بابكم لاتسئلو اقل سؤآل

اسئلو كويس وطططقسوو  عنو كوييس  لو حسيتي شي واحد وادعي ربنا دايما يدلك على الصح

٦- نبدء كمان لو ماجاكي المهر بس تعرفي كم ابدئي خططي وسوي جدول ايش بتجييبي

ايش بتشتري ايش بتحتاجي   سوي نوت اكتبي فيها كل طلبات الجهاز من الالف للياء شوفي

ايش عندك وتقدري تاخدي معاك 

٧- لو بتسوي شبكه حددي كل شي وابدئي خططي الثيم الالوان الضيافه ايش تبغي ابدئي حطي  كدا 

صوره تخيلييه لشكلك وديكور حفلتك 

٨- هنا ابدئي  شوفي انت ايش تبغي تحسني بشكلك حابه تنحفي تسمني ..  حابه تفتحي  ولا تسمري :p 

تبغي تسوي ليزر ..  اهتمي بصحة شعرك وبرضو مو اي خلطه بالنت تاخديها وتسويها

واهم شي المداومه حتكلم برضو بوست عن العنايه وكدا  ولو تبغي تسوي ليزر   سوي جدول عنايه بسيط

بنات الاسنان .. الاسنان لو عندك مشكله باسنانك لو في ريحه من فمك روحي عالجيها ... لو عندكم مشاكل تعرق

برضو روحو  طبيب جلديه بيديكي ابره وحده بوحده  :) 

بنسبالي انا ماسويت شي غير اليزر  و جلسه تنظيف بشره وحمام مغربي ودلكه قبل الفرح بكم يوم :D

الخلطات ماسويت شي مع انو كان عندي سنه من شوفه للفرح  بس كسل ياساتر  

١٠- واخر حااجه ضروريه لاتسمعي نصايح من احد او تجربه من احد  لان كل وحده لها تجربه مختلفه

وبقولك معلومه الشخصيه زي البصمه مو كل الناس تتشابه بشخصيه طب تقولي العصبيه مثلا

بس كل واحد عصبيتو مختلفه عن تاني يعني ممكن يهدي بطريقه معينه بيعصبو شي معين  مثال بسيط

في رجال بيكون ثور هايج اي شي يعصبو ويثوور ويكسر كل شي قداااااااامو  ويزعق ويقول كلام

مره ماينقال بس يخرج من المكان  لدقيقه بعدين يرجع ولكانو صار شي دا المثال متواجد خالي كده 

وحنون جداً بس مره عصبييي ويخوف من عصبيتو  اخاف اتكلم معا او اقول شي ممكن يشوفو غلط

 بس مره حنون ومره طيب ويعصب ويرجع هاديء وكانو ماصار شي

في نوع تاني من رجال عصبي مره ويخاصم كدا بصوت عالي ويهدد بس مايرضي من حالو لازم

تذلي نفسك عشانو لازم تعرفي مفاتيح شخصيتو كيف 

في الرجال الي تشوفي بارد ومايعصب ومستحيل يرفع صوتو او يغلط عليكي بسس لازعل

ممكن يطنشك شهر مايسأل عنك لين ماتعتذري حتى لو ماغلطي 

وكل نوع من دي الانواع تتشعب كمان ومو كل طررريقه تنفع مع وحده راح تنفع معاك 

راح تتعلمي مع العشره  والايام هو حيعللمك كيف 

ودا الي عندي ويارب اكون غطيت كل شي وفهمتو عليا  وان شاء الله تستفيدو 

احوبكم عرايس 

13 اشياء تسويها قبل فرحك باسبوع

السلام عليكم


كيف حالكم ياعروسات

فجأة جات على بالي هذه التدوينه وقلت خليني اسويها  لكم ع سريع هي طالعه من قلب الحدث

عارفين ده الشعور الي يجي قبل الفرح بايام احساس غريب مره  لما راح دبشي اول شي عاادي

بس لما اتصلت عليا ماما وقالت احنا رايحين البيت نرص العفش هنا كدا حسيت بشي

يخوف حسيت خلاص قرب الفرح  خلاص حسيب بيتنا حيتغير كل شي !


المهم ،،ماعلينا خلونا نبدء

١- ابدئي سوي جدول للعنايه بنفسك
٢- سوي حمام مغربي
٣- جلسه تنضيف للوجه
٤- سوي جلست تريتمنت للشعر
٥- قبل الفرح بيوم حاولي تروحي تسوي مساج
٦- اقعدي من اهلك سوي سهره لطيفه بس امك وابوك واخوانك
٧- سوي كل الحاجات الي معتاده تسويها
٨- روحي الاماكن الي تحبيها
٩- هيصي واهدي نفسك هديه
١٠- صوري بيتكم  وجوكم فيديو عشان تتفرجي عليها كل ماشتقتي لدي الايام
١١- اقرئي سوره البقره كثير
١٢ - قومي اليل وادعي ربنا يوفقك
١٣- حاولي تتصدقي عشان تدفعي عن نفسك بلا




ووي بس
باللاخير ادعو الله تعالى انو يوفقني ويوفقكم
طبعا المدونه دي  ماحتوقف حطور فيها كمان وكمان بس كمان اعملولي فلو على تويتر
واكتبو اسئلتكم وعن ايش تبغوني اتكلم 

السلام عليكم ورحمة الله وبركاته


كيفكم ياعروسات


غبت فتره انشغلت بحوسة توضيب الجهاز راح الحمدالله فضل على فرحي
بس ٦ ايام استودعكم الله  وحرجع عشان دي المدونه ويستفيد فيها اكتر بنات 

رحلة التجهيز : كيف تجهزي بذكاء

صباح الخير 

ازيكم ياعروسات وكيف التجهيز 


قلنا اول لازم نجهز ثلاثه حاجات 

اول شي  نجهز نفسنا...
















 نفسيتنا ..تفكيرنا .. احساسنا ...مشاعرنا 
لازم نصفي ذهننا من كلام الناس والنصايح الي تنصحنا فيها الخاله والجاره والعمه وبنت ولر عم خاله
جاره عم جدي ...منجد لان مو كل شي نفع مع فلانه حينفعك كمان انت ماتزوجتي زوجها حتى لوكان 
يشبه نفس التفكير بس نفسيه غير ...النفسيه زي العناصر  او المركبات الكيميائيه بتختلف بين عنصر وعنصر
نفسيتنا كيميائيه بحتته كل انسان تكوينو وتركيبو غيير .. لاتستعجلي مع العشره والايام حتفهمي وكوني ذكيه 
وحكيمه وصبوره  حتمتلكي قلبو ان شاءالله  بس جد كوني ذكيه وصبوره دي اهم خصلتين لازم تكون فيكي
ولاتنسي الدعااء دايما ادعي  حاولي تتفرجي على قناه الدكتور طارق الحبيب على اليوتيوب 

ثانياً التجهيز البدني .: 


بشوف بنات الله يهديهم يهلكو نفسهم بس يجو ينخطبو ايش حمام مغربي ايش
دلكه ايش تقشير وكل الخلطات الي بالانترنت حطتها على وجهها وهاتك رجيم و ووو 
بنات....بنات  حبيبااتي  هو لما شافك اختارك انت بشكلك اهم شي تهتمي بنفسك وماتحاولي
تهملي شكلك وتحاولي تطوري من نفسك  بس مو بدي الطريقه راح كدا تهلكي عمرك ويجي
يوم الفرح مو طايقه نفسك  زي ماقلتلك لما شافك اختارك انت و عاجبتيي الحمدالله  وهو يعني
يعني مافي عيوب وكدا  لا في ما اقلك ماتهتمي بنفسك الا يعني بشكل خفيف
سوي كل اسبوع وحده جلسه حمام بخار ومغربي وتقشير وحطي في خلطات بس مو كل يوم
جسمك لاتحرمي نفسك كتري مويه  كلي اكل صحي وسوي رياضه مشي  زائد تمارين 
وبس صدقيني حتخسري وزنك انا ماخففت اكل بس كترت مويه وسويت ورك اوت ومو كل يوم سويت فتره وقطعتها كل الناس تشوفني تقولي ايش مسويه هاتي نظامك :p وكدا :Dحددي الشغلات الي انت مو متقبلتها بنفسسك يعني مثلا اسمرار الركب والاكواع عندك  اثار حبوب او حبوب بوجهك هاادي روحي وعالجيهم ولاتسمعي كلام ااحد يقولك  حطي دا وسوي من دا روحي لطبيبه احسن 
زائد اليييزر ايوا يابنات اليزر اهم شي بالوجوود :$  والي ماتسوي  منجد  خسرانه 
يا الله مره شي مريح وجمييييل :$  اتعودي اترطبي جسسمك وكدا  اهتمي بس مو بشكلل
مرضي زي الي بشوفو بالبنات مره حرام لانو مستحيل دي الحاجات تبان ازا علاجات 
الكيميائيه يقولك عشان تبان النتيجه تحتاجي من 3-6 شهور مابالكم بخلطات طبيعيه 


ثالثا نجي للجهاز ...الي احنا عارفينو 


زي ماقلتلكم شفت الاغراض الي عندي انا اايش احب ايش
احتااج وكدا جبت زيههم غير الاغراض الي تحتاجهم العروسه 
وتكتبهم بلست وبعدين الست دي صنفتها لين صار عندي دا تصنيف


 ملابس (ملابس بيت ملابس خرجه ملابس نوم )+ اراعي تنويع شي فستان قصير شي مكسي شي
بناطيل طويله شي شورتات تنانير قصيره تنانير مكسي نوعت كمان باللاون حاولت ماعتمد ع للون 
واحد مع انو كان يصادف اكتر جهازي كانت درجات البيبج والاوف وايت وكمان اللون العودي 


الاكسسوارات 
سلاسل خواتم حلقان  سكارف احزمه اكسسوارات الشعر  خلاخل  


الاحذيه 
من هيلز فلات سنكر سليبر للبيت 

المكياج ومستحضرات العنايه 

المكياج اولاً تابعي الريفيوز ع اليوتيوب وحاولي تقلديهم اسمعيهم وافهمي منهم 
وطبقي لاتشتري شي ماتحتاجي شي بس سمعتي انو كويس اقعدي جربي
اقرائي  وروحي جربيهم خدي معاك علبه عدسات قديمه وقولي للموضفه تحطلك 
اقرب درجتين روحي الحمامات جربي وقرري وروحي اشتري 
يعني انت حقت ماسكارا +روج بس  بالعاده 
لاتشتري كل شي اشتري بسس الاساسيات حكتبها لكم ببوست خاص بالمكياج وكدا 

انت فنانه وارتست خلاص مايحتاج اكلمك اشتري كل الي تعرفي والله يهنيكي 

مستحضرات العنايه 

بنات مستحضرات العنايه الاساسيه لازم تكون شي اسااسي بحياتنا عشان تكون
بشرتنا دايما جميله ومشرقه ونظيفه هي تلاته حاجات بس

1- غسول 
2- تونر (معقم ويغلق المسام )
3-كريم مرطب 
بس لازم تراعي انها تكون مناسبه لنوع بشرتك 

كمان نسيت 

العطور ومجموعات الجسم 
العطور صح لما تكون كتير يكون شكلها حلو وانا ادماني العطور صراحه 
بس اشتري مبدئيا 5 وحتجيكي هدايا لاتخافي :p

مجموعه الجسم 
برضو خذي وحده بس ياتكون مجموعه لعطرك المفضل يامجموعه من 
path & body work او the body shop  او Victoria secret  او  jo mallon 
لاتكتري لان المجموعه طول تقعد سنه 

نصائح لما تتسوي  دروس تعلمتها

-انا كان قدامي حوالي 8 شهور مابديت اجهز صح الا من اخر 4 شهور  مره غلط 
كل تخفيضات تواجهكم اشترو منها انا   اشتريت من تخفيضات  H&M لي كانت بالعيد
اخذت فستاانين وبلوزه بـ 50 ريال  ده الي افتكر اخدتو وكان شي واو 
-حاولي تستفيدي من الوقت والتخفيضات لاتقولي قدامي ماتعرفي الايام الجيه ايش حيصير فيها 
- لاتركزي شرائك من المحلات المخفضه لو كان قدامك وقت وفتره تخفيضات تابعي 
السوق والتخيضات  والحقيها  مثلا لو رحتي بي بي هالايام الشوز ابو 900 ريال دحين ب 99 ريال
والله صدق مامزح :P 
- لاتشتري شي ماتحتاجي ولاتكثري الكميه ركزي ع نوعيه 
- خلي معاك نوت كل حاجه تشتريها اكتبي اشتريت كدا من المحل الفلاني لونو كدا  
-ميزانيتك قسميها لما تروحي لاتروحي تاخدي معاك كل الفلوس :D 
-في ميزانيات موجوده عاملينها بنات جزاهم الله خير شوفو كيف اطلعو عليها  بس وزعوها
على حسب ماانتي تشوفي ميزانيتك وكيف تشتري انت بالعاده 
-لما تروحي تتسوي البسي حذاء مريح ولاتستحي من الفلات لاكنتي قصيره :D 

Welocme bloglovin

<a href="http://www.bloglovin.com/blog/11543073/?claim=ydtmc3x447h">Follow my blog with Bloglovin</a>

Follow my blog with Bloglovin

رحلة التجهيز

صباح الخير يا ايتها الجميلات 


كيفكم وكيف الاستعداد النفسي  زحمه مو وتحسو  ادمغتكم 
 فاضيه ومشوشه وموعارفين ! 

اول حاجه لما حتتجهزي بتجهزي تلاته حاجات 

الاولى والاهم نفسك 
بانك تجهزيها وتتثقفي وتتطلعي لبعض الكتب والبرامج المفيده 
الثانيه  بتجهزي جسمك  
ومو يعني تتغيري تسوي برنامج عنايه بسيط 
تحددي مشاكلك وتبدئي جلسات ليزر اهم شي

ثالثا الجهاز الي احنا عارفينو 

وهو الي حتكلم عنو واتعمق فيلو بدا البوست 


انا قمت وسويت سيرش بالنت ومالقيت شي مفيد 
وكلام كتير سوا غبار وزاد التشويش والله 

بس استفدت بشغله وهي شغله النوت ايوا  والله انوت :$ 

 شفت قوائم بالحاجات وارقام مهوله  وماعرف ايش
وريتها ماما وماما قالتلي بالحرف الواحد ايه الهبل ده !! 
وضحكت عليا كمان :( 

وجلست جلسه صفاء مع نفسي وفتحت دولايبي والادراج وكل شي
وقفلت على نفسي الباب بالمفتاح عشان ماحد يحسبني انجنيت يعيني :P 

وحطيبت قدامي نوتتين وحده نوته لخلاصتي ونوته لخلاصه الحاجات الي قراتها 

اول شي حطيت مبدئين  مهمين 

اول واحد انو سوق ماحيطيير 
وماحشتري كتيير حشتري حق شهر مبدئيا

وبما انو انا حكون بعيده عن اهلي واهلو ماحيكون عندي خرجات كتير 
فستفدت انو ماحكتر حوايج خروج 
وحكتر حواايج بيت 
وبديت  اسوي لسته لاغراضي الي اشوفها قدامي واكتبها بلسته ويصير الي اجيبو اشطبو  
زي كدا مثلا 

ملابس , لانجري , سنكر, هيلز, فلات , سلبر , سكز , لكاليك , ديشمبر , مناشف , اكسسوارات , بكلات , عطور ,
اغراض الصيدليه المكياج  الكريمات ومجموعه العنايه , عبايات شنط   و و و

ومثلا مسكت المكياج رحت شفت ايش استخدم انا وجبت بزبط الحاجات الي استخدمها بس 
وبالزبط حسوي لاغر اض الصيدليه كدا 

مسكت كل حاجه تتشعب وكتبت اشياءها وصراحه مالتزمت فيها لان كل شي كنت المو 
من دون عقل خخخخ

 اول شي نبدء بملابس الخروج

هنا لما تجي تشتري لازم تحطي براسك انك عروسه عروسه 
ولازم ملابس فريده وحاجه غير المعتاد وجد لاتستخصري فيهم 
اناحطيتلها لحالها ميزانيه كنت حاطه لها  

انا لما رحت اجهز ماما حطتلي اختيارين قالت عندك دبي او اسطنبول

وكنت جد محتاره مره محتاره دبي معرووف قديش شوبنق جمييل وبنفس الوقت
انا قبل كدا هوسني التسوق باسطنبول خاصه في  كم ماركه اوربيه ماهي موجوده 
حتى بدبي وفي ماركات تركيه جميله جدا زي
NETWORKوROMAN , IPYKEOL ,VPARK ,TWEST 
محلات جميله جدا واي بكيول فتح  بكل مدن الخليج الا سعوديه 
انا اكتر شي جهزت منو هو مودا ستي 
 من جد رجعت من اسطنبول خلصت كل الحوايج وطقم السرير وطقم الحمام 
ببوست قادم حصور لكم ان شاء الله 

يعني انا باقي دحين على فرحي 38 يوم بالزبط 
وقفت تجهيز من اكتوبر 

نجي لحوايج البيت 
قسمتها اول شي
فستاين . وفساتين مكسي  وجينزات وشورتات   والباقي تيشرتات وجمب سوتز 
جبت من كل دي الانواع 

البجايم 
قسمتها بجايم قطن بجايم حرير طويل وقصير وقمصان قصير وطويل  

بعد ماخلصت وحددت النوعيه والحاجات الي حجيبها 
التننوع مهم جدا  

العدد بنات لاتهتمو في اهم شي نوعي واشتري شي يخليكي تنوعي وماتكرري لمده شهر 
يعني 30 حاجه منوعه  احس كدا يكفي لانو انت ماحتروحي تعيشي بجزيره نائيه 
وحتقدري تنزلي السوق وتقضي  الصراحه انا كنت اشتري والم من دون تفكير 
فالعدد تجاوز وخربت ميزانيتي ع الاخر لانو الصراحه انا ماهتميت من دي النقطه 
قلت في اهلي الله لايحرمني منهم ماحيقصروا :) 

وشي كمان 

رتبو جدول ومواعيد 


نفسي اكتب اكثر واوضح بالصور بس احس البوست حينزحف بس حرتبها ببوست تاني 
يمكن انزلو اليوم بليل او شويه 


خلاصه الكلام الي فوق كلوو

حددي نوعيه الي تشتري ولاتشتري حاجه انتي ماقيد اشتريتيها ورتبيها بنوت 
كل شي تخلصي منو اشطبي من اليست  العدد مو مهم اهم شي تنويع ماتنملي
وكوني ذكيه بالتسوق ايوا يعني كيف 
انا اشتريت مجموعه بناطيل ملونه ومجموعه بلايز مختلفه البلوزه 
الوحده ممكن البسها مع كذا بنطلون واقدر البسها مره مع شورت 
كدا من لبس واحد اقدر اطقملو كم مره :$ فهمتو عليا مو 
اعرفو انو مو اخر مره هتنزلو سوق 
يعني تخيلي انو موسم عيد ومليان مناسبات وبيتكم حيجو يسكنو عندكم 
ضيوف ونازله تقضي زايد حتشتري اشويه قمصان نوم وكدا 


وبس وسلامتكم حنزل بوست كمان بليل زايد سبرايز 

طريقة الاشتراك بالمدونه

السلام عليكم ورحمة الله وبركاتة 

صباحكم خير وتوفيق 



حبيباتي  الجميلات حتى اعطيكن اكثر ساعدوني بان تدعموني 
وتجعلوني اكثر حماساً 

بمشاركتي عبر المدونة  ومتابعتي عبر مواقع التواصل الاجتماعي 

طريقة الاشتراك بالمدونه 

اولاً :  قوموا بالضغط على ايقونة الانضمام لهذا الموقع 

ثانياً : ستظهر امامكن  النافذة التاليه 

1- بامكانكم التسجيل عبر حسابكم الـ gmail 
2- او عبر الـ twitter
3- او عبر الـ yahoo 



تجدوني هنا 

twitter :proudtobebride 

instagram :proudtobebride 

اختيار الفستان

السلام عليكم

لاختيار فستان الحفل هناك عدة امور يجب على العروس 

اخذها بعين الاعتبار   فهي كتالي 

١-مكان الحفل 

٢-ميزانيتك

٣-يكون قريب من قلبك 

ايوا يكون قريب من قلبك  هو مو حيا الله فستان لازم الفستان ده

يصير بينك كيميستري لا تضحكو عليا انا درت كتيير وتعبت ماما 

كتير لين لفيت الفستان وماما ماكانت  مقتتعه في لعاملين 

١ يتجوز الميزانيه الي حطتها ماما للفستان بمراحل ٢ كان تقريبا اول محل وقفنا عليه

تلاته مرات اطلع جده وانزل. مافي بوتيك مول ماخشيتو. ورجعتلوو 

سبحان الله يومتها كان في وحده حتاخدو بس اتصلو عليا 

قالو نبيعو لك ولا تاخدو الزبونه قلت لا لا ليا وتمسكت في زي ماتمسك فيا 

 انا عندي فكره الي هي الفستان الابيض واحد  مهما سويتو في افكار وماحب 

الافكار فيه عشانو حق عروسه وحتروح بهجتو وحده اعرفها 

كان فستان. فرحها مجمعه ٤ موديلات في واحد  الفستان ظريف نوعا  ما 

وكلفهم تعب  مشقه السفر غير تكلفتو  بس جد كان زحمه مره شكلها 

وضاعت منها بهجة العروسه ماكنت فيها فخامه العروسه ابداً

لازم نراعي حاجات مو لازم اشتري فستان بالمبلغ الفلااني ممكن فستان من المحلات الرخيصه 

ويكون شكلك فخم واحلى من لما تجيبي فستان ابو عشرطعش 

 نرجع لموضوعنا فستان الشبكه بدعي فيين احب الفستان المنفووش وزي سندريلا خلال رحلة بحثي 

عن فستان احلامي كنت حاطه شرط وكان مستحيييل اتخلى عنوو وهو وجود فصوص او كريستالات

كنت اشوفها ترخص الفستان. وتبخص من فخامتو بس  سبحان الله 

فستاني كان في شغل شوارفسكي اصلي هنا. من جد  قلت 

مو اي فصوص وكرستالات كرستال ومو اي شوارفسكي شوارفسكي 

 ازا كانت حفله خطوبه عاديه بالبيت وكدا. 

البسي فستان ماسك ع جسم  وجميل زي دا مثلا 

ة

  

اما لو كانت حفلتك بقاعه وكبيره وكذا عندك زي دي الخيارا

ة